#قسم_الطوارئ_والرعاية_الحرجة: (علمى علوم فقط) :-  يهتم  بإعداد كوادر متخصصة للتعامل مع الحالات الطبية الطارئة  

شغلك معتمد بشكل اساسى على تلت اماكن ...الاسعاف....الطوارىء فى المستشفى ....الرعاية .....الوظيفية الاساسية هيا تقديم الاسعافات الاولية للمريض اللى فى حالة حرجة ومتابعة المريض فى العناية المركزة 

 القسم لامم من كل المعهد ولكن اكيد بشكل سطحى مش زى الاقسام نفسها ..ودا لانك بتتعلم فيه حاجات تخص باقي الاقسام من سحب عينات واشعه وجبيره طبيه وقراءة أجهزه وغيره عشان الطوارىء  .. قسم طوارئ فيه عجز كبير علي مستوي الجمهورية وده يخليك مطلوب كتير في الشغل البرايفت لان زمان القسم كان جزء من تمريض لكن انفصل عنه واصبح مستقل بذاته .. انت طبعاً ليك التكليف الحكومي وليك فرص عمل وشيفتات كتيره بسبب ان قسمك مطلوب .. مش كل المستشفيات بيبقي فيها دكتور طوارئ وبالاخص لو كان مركز صحي او وحده صحيه صغيره وساعتها لازم تتصرف بنفسك وتنقذ الحاله ودا بيتطلب منك دراسة مستمرة عشان تقدر تنقذ الارواح اللى بتبقى بين ايديك 

فرص التطوير المهني

 التكمله في كليه علوم صحيه (بني سويف) والحصول علي مؤهل عالي بلقب اخصائي تكنولوجي متابعه مستمره في ممارسه كافه الاجراءات الخاصه بالطوارئ من خلال بعض المراكز والاكاديميات التي توفر ذلك الحصول علي الكورسات العمليه بشهادات موثقه تساعد علي العمل بصوره مبكره في المجال 

ملاحظات

 القسم بنظامه الجديد (المناهج الانجلش) يعتبر جديد واول دفعه لسا هتتخرج منه السنادي 2020 وبعد التخرج قد يفتح له تكمله سنتين تخصص داخل المعهد نفسه 

من الصعب ان حد يندمج في القسم ده بالزاد ومن الصعب ان حد يتعود عليه لكن كل حاجه بتيجي بمرور الوقت وبأنك تشوف كذا حاله فتتعلم اكتر وبالتالي تتعود عليه  

شرح عمل الشعبة